صحيت فى يوم بالليل
بصيت لقيت مصرنا
ماشية وجره النيل
ماشيه وواخده هدومها
شايلاها فوق كتفها
ولفه فيها همومها
ودموعها فوق خدها
وهدومها متقطعة
عالصدر والرجلين
عالبطن والكتفين
وكل حتة فى جسمها
باينة لكل عنين
ناديت يا أم الدنيا
سايبانا راحة لفين؟
قالتلى واسعة الدنيا
وناس كتير تانيين
يتمنو مصر وخيرها
ويخافو عاللى باقيلها
يشيلونى جوا العين
فى ناس كتير تانيين
فى ناس كتير تانيين
مصر دي جوة عنينا الاتنين
ردحذفمافيش غير اولادك هم اللي يخافوا عليك
متزعليش يا أمي مش كل ولادك خايبين
أثرت فيا كلماتك
اهلا بك في عالم التدوين
كلماتك حلوه اوي
ردحذفوبسيطه وبتدخل القلب بسرعه
وباذن الله مدونتك تبقي احسن مدونه
ربنا يوفقك
إيه الكلام الجامد ده
ردحذفبجد تسلم أيدك
كلمات رائعه وفكرة القصيده تحفه
بس خللى بالك الكلمات الحلوه دى حتى يسرقها
ياريت تسجل القصايد دى فى الشهر العقارى
قبل مصر متلم هدومها وتطفش
اه صحيح مبروك دخولك عالم التدوين
ردحذفوالقصيده اللى فاتت اللى فى البوست الفات هى كمان تحفه ورائعه تسلم ايدك
ماشاء الله مدونه لطيفه فعلا
ردحذفان شاء الله هحط اللينك عندي عشان كل اللي يدخل عندي يزورك
أولاً طبعاً: مبروك المدونه وان شاء الله تبقى من أحسن المدونات
ردحذفثانياً اسلوبك جميل أوي وكلماتك تدخل القلب فعلاً وفكرتني بالشاعر الجميل على سلامه لما اتكلم عن مصر "خايف أصحى مالاقيش مصر"
أنا عن نفسي بموت في مصر بس مسألة خيرها دي فيها كلام تاني :)
بجد كلام جميل
مبروك على البلوج:)
ردحذفالمشكله ان مصر لو لمت هدومها ومشيت برضه هتلاقى الناس اللى سابتهم ماسكين فى ديلها اصلهم حالفين ييموتوها بالسكته والحسره يا اما تقبل انها تمشى بهدومها المقطعه.
كلامك جميل عجبنى جدااا:)
شعرك جميل و خفيف ما شاء الله , منتظر الجديد
ردحذفربنا يتقبل
جميل جدا بجد
ردحذفماشاء الله
بدايه موفقه
الاحساس فى القصيده عالى وواصل جدا
ويارب نخلى احنا مصر جنه