أحضنينى
وإنسى كل الكون فى حضنى واملكينى
قبلينى
بوسة عالخد الشمال
بوسه عالخد اليمين
ليكى منى ألف بوسة عالجبين
الف بوسة تحت رجلك
فوقها مليون الف بوسة
بس عندى سؤال يا بلدى
ليه يا بلدى عيشتنا فيكى
عنها بيقولم دى كوسة
؟؟؟؟؟؟؟؟؟؟؟؟؟؟؟؟؟؟؟
لأ يا بلدى متخافيش
انا وانتى بس اللى هنا
قاعدين فى اوضتى لوحدنا
وقفلت كل إزاز وشيش
من عنيا هوطى صوتى
بس برده ما ردتيش
ليه يا بلدى عيشتنا فيكى بقت مفيش؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليه يا بلدى ابن عمى
تحت حجرة منك انتى
مد ايده عشان تمدى
وانتى برده ما مدتيش؟؟
ابن عمى
قبل ما يموت فى الدويقه
نادى ليكى
بص ليكى
عينه بتدور عليكى
يومها فاكر
دمعه نزلت من عنيكى
بس دمعه نازلة ساكته
صوت سكوتها بيناديكى
مدى إيدك لابن بطنك
شيلى من فوقه التراب
وارفعيه فوق السحاب
وافتحيله فى السما من كل باب
طاقه واحده يبص منها لجنتك
ولوحدتك
ولحرقتك
ولحرقة القلب اللى داب
فى محبتك
++++++++
ليه اخويا لو يسافر
ابقى ماسك قلبى خايف
قطر عمره
يسبق القطر اللى راكبه
يتقلب به
زى ألفين ماتو قبله
وانتى لسه ما حنتيش
الكلام مش للبكا
متعيطيش
نفسى أشوفك فوق جبين الارض شامة
نفسى أشوفك بين بلاد الكون علامة
زى ما اتعلمت عنك فى المدارس
دانتى ام الدنيا ديت
وانتى أمى
هاتى كفك
شيلى من فوق كتفى همى
سيبى همك
لو أموت به
هبقى ميت موتة الالفين شهيد
ماتو فوق قطر الصعيد
ماتو بالهم الشديد
ماتو وانتى زى مانتى
فنفس ركن الحزن قاعده
تبكى دمعات السكوت
قومى يلا وقولى لأه
واصرخيها بأعلى صوت
الف لأه للى بايع
الف لأه للى خاين
وافتحيله تحت سابع ارض من أسوأ خشب
أسوأ تابوت
قولى فوق كل المداين
اللى باع لازم يموت
واللى خان... لازم يموت
دمعه نزلت من عنيكى
ردحذفبس دمعه نازلة ساكته
صوت سكوتها بيناديكى
جميلة جميلة بجد
ما شاء الله تبارك الله , ده اللي كنت بستناه من زمان : مدونة كلها شعر تخفف عننا همومنا
ربنا يتقبل يا شاعرنا الكبير
حمدي مناع حبيب قلبي
ردحذفبجد فكرة جامده جدا انك تكتب مدونة
وطبعا انت عارف رأيي
صدقني مش مجاملة عشان انت صاحبي
بس بجد انت شاعر أكتر من رائع
ربنا يوفقك ان شاء الله
ونسمع عنك أخبار كويسه
ومستنيين منك باقي المدونات
مبروووووووووووووووووووووووووووووووووووووووووووووووووووووووووووووووووووووووووووووووك
ردحذفان شاء الله تبقى مدونه ناجحه
اكمل بقى
ردحذفاصل التعليق اللى فات كنت بجرب اذا كان هينضاف ولا لا
هههههههههههههههههههه
المهم
طبعا انت عارف رأيى فى القصيده
قصيده جامده لشاعر أجمد
بانسبه للتصميم بقى محتاج تظبيط يا حمدى
بيتهيألى لو كانت الخلفيه سمرا هتبقى أشيك واحلى
وكمان تضيف صوره فوق تليق مع الخلفيه
ادخل على جوجل واعمل سيرش عن صور رومانسيه هتلاقى صور تحفه هتغجبك اختار واحده تمشى مع الخلفيه وحطها
لما تحب تغير حاجه فى التصميم ادخل على التخطيط فى حسابك فى بلوجر وغير لون الخلفيه زى ما انت عاوز
بلوجر تصميماتها حلوه وسهل التغيير فيه
العنوان والوصف حلوين اوى
صورتك انت واخوك احلى واحلى
هههههههههههه
ربنا يخليكو لبعض
بالتوفيق ان شاء الله
ومبرةك ليك
ومبروك على التدوين شاعر جميل قوى زيك
سلاااااااااااااااااااااااااااااام
حبيبي يا حمدي
ردحذفالف مبروك علي المدونه
بس فعلا هي محتاجه شويه شغل كدا علشان تليق بالشاعر / حمدي مناع
و بالتوفيق والي المزيد من الرقي
الله الله يا هندسة
ردحذفربنا يكرمك ويتقبل هذا المجهود
....
القصيدة القادمة لازم تكون فرايحى بعد اللى عملته فى القصيدة دى !!!ـ
ألف مبروووووك يا حمدي
ردحذفانا فرحت جدااا لما عرفت انك عملت مدونة جديدة من مدونة انس
قصيدة جميلة جداا(مش غريبة عليك) وربنا يوفقك يارب.أتمني اشوفك قريب ان شاء الله لأنك واحشني جدا. وزي ما قال المهندس محمود مستنيين حاجة فرايحي المرة الجايةو ......بالتوفيق ان شاءالله.
السلام عليكم ورحمة الله وبركاته
ردحذفمبروك المدونة ويارب تبقى خير عليك ان شاء الله
المدونين المحترمين الحمد لله زادوا واحد ربنا يوفقك
كلمات جميلة فى حب مصر سواء القصيدة دى او اللى بعدها
ماشاء الله معانى جميلة ورائعة
الف مليون مبروك يا ابن بلدى
ردحذفوالله فرحت جدا جدا
وان شاء الله هتابعك دايما
انا عرفت بالصدفة البحتة والله
كنت بحاول اعمل مدونة وبعدين لقيت مدونة مهندس انس ومنها دخلت للمدونة بتاعتك
بجد مش مصدقة
مستنين المزيد باذن الله
قصيده اكتر من رائعه يا حمدي ربنا يوفقك يااااااارب
ردحذفهبه
لا أعلم قد لا تصل هذه الكلمات ..
ردحذفلكن في العام الماضي
في حفل ختام الأنشطة في كلية الهندسة جامعة المنصورة
قيــل ..
زجل يحكي عن قلم يسجل التاريخ ..
أبكى معظم من كان في القاعة
وبعد الســـــــــــــؤال ..
وصلت إلى هنا ولم أجده !!!!!!!!!!!!!!!!!!!!!!!